Kriskitin Dantza Taldea Durangon jaio zen 1986an; eta 1987an Berrasirekin debuta egin zuenetik, tradizioa eta sormena uztartzen ditu euskal dantzan. Bere ikuskizunak Euskal Herritik zein kanpo zabaltzen ditu, Espainiara, Europara eta baita AEBetara ere eraman ditu, kultur ekimen propioak antolatuz. Durangorekin konprometitua, urtero Surrandi, Euskal Jaiak, Gau beltza , Olentzero… ekintzetan parte hartzen du. Gaur egun, hainbat belaunaldi biltzen ditu, tradizioa energia berrituarekin bizirik mantenduz.